Rossiya milliy jamoasi himoyachisi Viktor Melyoxin Oʻzbekiston milliy jamoasiga qarshi boʻlib oʻtadigan oʻrtoqlik uchrashuvidan oldin oʻz fikrlarini bildirdi.
«Oʻzbekiston — 2026-yilgi jahon chempionati ishtirokchisi. Biz safarda, Toshkentda oʻynaymiz. Misrdagi uchrashuvda rossiyalik muxlislar ancha koʻp boʻlganini eslayman.
Ishonchim komilki, ular Toshkentga ham kelishadi», — deya Melyoxinning soʻzlarini keltiradi «Chempionat» nashri.
Maʼlumot oʻrnida, Oʻzbekiston va Rossiya milliy jamoalari oʻrtasidagi oʻrtoqlik uchrashuvi 12-noyabr kuni Toshkentda boʻlib oʻtadi. Bahs Moskva vaqti bilan soat 18:00 da, Toshkent vaqti bilan esa 20:00 da boshlanadi.
Eslatib oʻtamiz, Rossiya milliy jamoasi 2022-yil fevral oyidan buyon xalqaro musobaqalarda ishtirok etish huquqidan mahrum qilingan. Shu sababli jamoa asosan oʻrtoqlik uchrashuvlarida maydonga tushmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi