Россия миллий жамоаси ҳимоячиси Виктор Мелёхин Ўзбекистон миллий жамоасига қарши бўлиб ўтадиган ўртоқлик учрашувидан олдин ўз фикрларини билдирди.
«Ўзбекистон — 2026 йилги жаҳон чемпионати иштирокчиси. Биз сафарда, Тошкентда ўйнаймиз. Мисрдаги учрашувда россиялик мухлислар анча кўп бўлганини эслайман.
Ишончим комилки, улар Тошкентга ҳам келишади», — дея Мелёхиннинг сўзларини келтиради «Чемпионат» нашри.
Маълумот ўрнида, Ўзбекистон ва Россия миллий жамоалари ўртасидаги ўртоқлик учрашуви 12 ноябр куни Тошкентда бўлиб ўтади. Баҳс Москва вақти билан соат 18:00 да, Тошкент вақти билан эса 20:00 да бошланади.
Эслатиб ўтамиз, Россия миллий жамоаси 2022 йил феврал ойидан буён халқаро мусобақаларда иштирок этиш ҳуқуқидан маҳрум қилинган. Шу сабабли жамоа асосан ўртоқлик учрашувларида майдонга тушмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади