Oʻzbekiston milliy jamoasi sardori Eldor Shomurodov bugun, 10 noyabr kuni jamoa ixtiyoriga yetib keldi. Bu haqda Oʻzbekiston Futbol assotsiatsiyasi matbuot xizmati xabar berdi.
Tajribali hujumchi milliy jamoa safidagi mashgʻulotlarga qoʻshilib, boʻlajak uchrashuvlarga tayyorgarlikni jamoa aʼzolari bilan birgalikda davom ettiradi.
Shomurodovning yigʻinda ishtirok etishi murabbiylar shtabiga hujum chizigʻidagi imkoniyatlarni kengaytirish va navbatdagi bahslar oldidan jamoaviy hamjihatlikni mustahkamlash imkonini beradi.
Eslatib oʻtamiz, Oʻzbekiston milliy jamoasi 12 noyabr kuni Toshkentda Rossiya milliy jamoasiga qarshi oʻrtoqlik uchrashuvida maydonga tushadi. Ushbu bahs Toshkent vaqti bilan soat 20:00 da boshlanishi belgilangan.
Milliy jamoamiz ayni paytda ushbu oʻyinga tayyorgarlik koʻrmoqda. Avvalroq Golovin Oʻzbekistonga qarshi oʻyinni oʻtkazib yuborishi maʼlum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi