Live
1
O'zbek

«Real» so'nggi 4 mavsumda ilk bor ketma-ket 9 ta g'alabaga erishdi

Futbol
21 noyabr, 22:25
Madrid klubi oxirgi marta bunday g'alabali seriyani 2022/2023 yilgi mavsum boshida qayd etgan.
«Real» so'nggi 4 mavsumda ilk bor ketma-ket 9 ta g'alabaga erishdi
Foto: Getty Images
21.11.2026 FT Ispaniya La Ligasi Real Madrid Real Madrid 2 : 1 Selta Vigo Selta Vigo

Madridning «Real» klubi barcha musobaqalar doirasidagi g'alabali seriyasini 9 ta uchrashuvga yetkazdi. «Qaymoqranglilar» bunday natijaga so'nggi 4 mavsumda ilk bor erishdi.

Joze Mourinio boshqarayotgan jamoa La Liga 13-turi doirasida «Selta»ni 2:1 hisobida mag'lub etdi. Ushbu g'alaba madridliklarning ketma-ket to'qqizinchi muvaffaqiyati bo'ldi.

Bunga qadar «Real» mamlakat chempionatidagi 5 ta, UEFA Chempionlar Ligasidagi 3 ta uchrashuvda g'alaba qozongan edi. Shu tariqa, jamoa so'nggi 9 ta bahsning barchasini o'z foydasiga hal qildi.

Madrid klubi oxirgi marta bunday g'alabali seriyani 2022/2023 yilgi mavsum boshida qayd etgan. O'shanda Karlo Anchelotti boshqaruvidagi «Real» ham ketma-ket 9 ta uchrashuvda raqiblaridan ustun kelgan edi.

Agar 2021/2022 yilgi mavsumning so'nggi o'yini ham hisobga olinsa, o'sha davrda madridliklarning g'alabali seriyasi 10 ta bahsga yetgan.

Tegishli jamoalar va ligalar

  • Real Madrid Real Madrid
  • Selta Vigo Selta Vigo
  • Ispaniya La Ligasi Ispaniya La Ligasi
Bugungi yangiliklar