Madridning «Real» klubi himoyachisi Eder Militao jamoadoshi Jud Bellinghemning o‘yin saviyasi haqida fikr bildirdi.
«Men Bellinghemga: «Birodar, bir jamoada o‘ynayotganimizdan faxrlanaman. Sen shunchalik ajoyib saviyada o‘ynayapsanki, go‘yo maydondagi voqealarni sekinlashtirilgan holatda ko‘rayotgandek taassurot uyg‘otasan», dedim. U bu so‘zlarim uchun menga minnatdorlik bildirdi. Judga Braziliya yoqadi. U biz bilan ko‘p vaqt o‘tkazadi», — deya Militaoning so‘zlarini keltiradi TNT Sports BR.
Ma'lumot uchun, 23 yoshli Bellinghem ushbu mavsum barcha musobaqalarda 16 ta bahsda maydonga tushib, 5 ta gol urdi va 4 ta golli uzatmani amalga oshirdi.
Eslatib o'tamiz, 21-noyabr kuni «Real» Ispaniya chempionati 13-turi doirasida «Selta»ni qabul qiladi. Bellashuv Toshkent vaqti bilan 22-noyabrga o‘tar kechasi soat 01:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi