Madridning «Real» klubi darvozabon Tibo Kurtua bilan hamkorlikni davom ettiradigan bo‘ldi. Bu haqda klub rasmiy sayti xabar berdi.
Belgiyalik 34 yoshli darvozabon bilan yangi kelishuv 2028-yilning yoziga qadar amal qiladi.
Kurtuaning avvalgi shartnomasi 2027-yilning yozida o‘z nihoyasiga yetishi kerak edi. Yangi bitim orqali tomonlar hamkorlik muddatini yana bir yilga uzaytirdi.
Bu mavsumda Tibo «Real» safida barcha turnirlar doirasida 15 ta uchrashuvda maydonga tushgan. U shularning to‘rttasida o‘z darvozasi daxlsizligini saqlab qolgan.
Tibo 2018-yildan buyon madridliklar safida o‘ynamoqda. U shu vaqtga qadar jamoa tarkibida 348 ta uchrashuvda maydonga tushib, 14 ta sovrinni qo‘lga kiritdi.
Transfermarkt portali Kurtuaning hozirgi bozor qiymatini 15 million yevroga baholamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi