Paragvay prezidenti Santiago Penya 2026 yildagi jahon chempionati 1/16 final bosqichidagi Germaniya ustidan qozonilgan g‘alabadan so‘ng mamlakatda dam olish kuni e'lon qildi.
Janubiy Amerika vakili Germaniya milliy jamoasi bilan kechgan bahsning asosiy va qo‘shimcha vaqtida 1:1 hisobini qayd etdi hamda penaltidan keyingi seriyada 4:3 hisobida g‘alaba qozondi.
Endi Paragvay chorakfinal yo‘llanmasi uchun Fransiya — Shvetsiya juftligi g‘olibiga qarshi maydonga tushadi. Jamoa g‘alabasidan keyin siyosatchi 30 iyun, seshanba kuni mamlakatda rasmiy dam olish kuni bo‘lishini ma'lum qildi.
“Paragvay hech qachon taslim bo‘lmaydi!” — deb yozdi Penya ijtimoiy tarmoqlardagi sahifalarida.
Mamlakat qonunchiligiga ko‘ra, prezident bunday qaror qabul qilish vakolatiga ega. Amaldagi qonun unga bir yil davomida qo‘shimcha 3 ta dam olish kunini belgilash huquqini beradi.
