Portugaliya milliy jamoasi hujumchisi Joau Feliks jahon chempionati 1/16 final bosqichi doirasidagi Xorvatiyaga qarshi bahs oldidan o'z fikrlarini bildirdi.
"Portugaliyalik muxlislar xotirjam bo'lishlari kerak. Ikkita uchrashuvda durang o'ynaganimiz o'z kuchimizga bo'lgan ishonchimiz kamayganini anglatmaydi. Bu — jahon chempionati.
Hamma xotirjamlikni saqlashi kerak. Biz Xorvatiyani mag'lub etishimizga ishonamiz", — dedi Feliks.
Ma'lumot o'rnida, Portugaliya milliy jamoasi guruh bosqichida O'zbekistonni 5:0 hisobida mag'lub etdi. Shuningdek, jamoa Kongo DR (1:1) va Kolumbiya (0:0) bilan durang o'ynadi.
