Opta superkompyuteri JCH-2026 guruh bosqichining 2-turidan o‘rin olgan Germaniya va Kot-d'Ivuar milliy jamoalari o‘rtasidagi uchrashuv uchun prognozini e’lon qildi.
25 mingta simulyatsiya natijalariga ko‘ra, Germaniya terma jamoasi bahs favoriti sifatida ko‘rilmoqda.
Hisob-kitoblarga ko‘ra:
Germaniya g‘alabasi ehtimoli — 44,2%
Durang ehtimoli — 25,7%
Kot-d'Ivuar g‘alabasi ehtimoli — 30,1%
Shu tariqa, Opta nemislarning g‘alaba qozonish imkoniyatini yuqoriroq baholagan bo‘lsa-da, afrikaliklar ham jiddiy qarshilik ko‘rsatishi kutilmoqda.
Uchrashuv Kanadaning Toronto shahridagi «BMO Field» stadionida bo‘lib o‘tadi. Bahsni paragravaylik hakam Xuan Gabriel Benites boshqaradi.
Eslatib o‘tamiz, 1-turdan so‘ng har ikki jamoa ham 3 ochkodan jamg‘argan. Qo‘shimcha ko‘rsatkichlarga ko‘ra Germaniya E guruhi peshqadami bo‘lib turibdi, Kot-d'Ivuar esa ikkinchi o‘rinni egallab turibdi.
3-turda Germaniya Ekvadorga qarshi maydonga tushadi, Kot-d'Ivuar esa Kyurasao bilan bahs olib boradi.
