Kot-d’Ivuar milliy jamoasi bosh murabbiyi Emers Fae Germaniyaga qarshi bo'lajak o'yin haqida fikr bildirdi.
«Guruh bosqichining birinchi o'yinidagi g'alaba biz uchun juda foydali bo'ldi. Bu bizga xotirjamlik bag'ishladi. Endi bu yerga Germaniyani mag'lub etish va 1/16 finalga chiqish uchun keldik. Maqsadimiz — mashg'ulotlar bazasiga olti ochko va guruh bosqichini birinchi o'rinda yakunlashga bo'lgan ishonch bilan qaytish. Raqibimiz Germaniya ekanligi hech narsani o'zgartirmaydi», — deya Faening so'zlarini keltiradi FIFA rasmiy sayti.
