Roberto Manchini Italiya milliy jamoasi bosh murabbiyi lavozimiga qaytgach, 2023 yildagi ketishi va muxlislar bilan munosabatlari haqida fikr bildirdi.
Italiyalik mutaxassisning aytishicha, uch yil avval federatsiyaning sobiq prezidenti Gabriele Gravina bilan yuzaga kelgan kelishmovchilik uning ketishiga sabab bo‘lgan.
«Uch yil avval men va Gravina o‘rtasida tushunmovchilik yuzaga kelgandi. Bundan juda afsusdaman.
Milliy jamoa libosi men uchun doim alohida ahamiyatga ega bo‘lgan. Bu sevgan insoningni yo‘qotishga o‘xshaydi. Endi esa yangi prezident Jovanni Malago tufayli taqdir menga bu xatoni tuzatish imkoniyatini berdi.
Muxlislar bilan ilk uchrashuvim? Jamoa shunday futbol o‘ynashiga harakat qilamanki, muxlislar meni kechirsin», — dedi Manchini.
Eslatib o‘tamiz, Roberto Manchini Italiya milliy jamoasini 2018–2023 yillarda boshqargan va uning qo‘l ostida milliy jamoa Yevro—2020 chempioniga aylangan. 2026 yil iyul oyida u yana «Skuadra Adzurra» bosh murabbiyi etib tayinlandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi