Роберто Манчини Италия миллий жамоаси бош мураббийи лавозимига қайтгач, 2023 йилдаги кетиши ва мухлислар билан муносабатлари ҳақида фикр билдирди.
Италиялик мутахассиснинг айтишича, уч йил аввал федерациянинг собиқ президенти Габриеле Гравина билан юзага келган келишмовчилик унинг кетишига сабаб бўлган.
«Уч йил аввал мен ва Гравина ўртасида тушунмовчилик юзага келганди. Бундан жуда афсусдаман.
Миллий жамоа либоси мен учун доим алоҳида аҳамиятга эга бўлган. Бу севган инсонингни йўқотишга ўхшайди. Энди эса янги президент Жованни Малаго туфайли тақдир менга бу хатони тузатиш имкониятини берди.
Мухлислар билан илк учрашувим? Жамоа шундай футбол ўйнашига ҳаракат қиламанки, мухлислар мени кечирсин», — деди Манчини.
Эслатиб ўтамиз, Роберто Манчини Италия миллий жамоасини 2018–2023 йилларда бошқарган ва унинг қўл остида миллий жамоа Евро—2020 чемпионига айланган. 2026 йил июл ойида у яна «Скуадра Адзурра» бош мураббийи этиб тайинланди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади