«Арсенал» бош мураббийи Микел Артета ёзги трансфер ойнасида жамоа таркиби яна кучайтирилишини маълум қилди.
Клуб расмий сайтига берган интервюсида испаниялик мутахассис раҳбарият билан биргаликда жамоани янада юқори даражага олиб чиқиш устида иш олиб бораётганини айтди.
«Ҳозир жуда кўп жараёнлар кетмоқда. Бу трансфер ойнасининг қандай кечаётганини барчамиз яхши тушунамиз. Клуб эгалари, директорлар кенгаши, спорт директори ва мен — барчамиз «Арсенал»ни янги босқичга олиб чиқишни хоҳлаймиз. Бунинг учун таркибни янада кучайтиришимиз, янада сифатли футболчиларни жалб қилишимиз керак.
Қайси жиҳатларимизни яхшилаш ва ўйинимизни ривожлантириш кераклигини аниқлаб олдик. Умид қиламанки, яқин орада бу режаларни амалда ҳам кўрсатамиз», — деди Артета.
Маълумот учун, «Арсенал» 2025/26 йилги мавсумда 38 турда 85 очко жамғариб, Англия Премер-лигаси чемпионига айланди. Шунингдек, Лондон клуби УEФА Чемпионлар лигаси финалига чиқиб, ҳал қилувчи баҳсда «ПСЖ»га имкониятни бой берган.
