«Тоттенҳэм» бош мураббийи Роберто Де Зерби Лукас Бергваллнинг келажаги ҳақида фикр билдириб, футболчи жамоада қолишини исташини маълум қилди.
Тhe Athletic хабарига кўра, 20 ёшли яримҳимоячи июн ойида янги чақириқ излаётганини клубга билдирган. Ҳозирда унга «Нюкасл» ва «Ноттингҳэм Форест» жиддий қизиқиш билдирмоқда.
«Мен унинг биз билан қолишини истайман. Менимча, у келажакда жуда юқори даражадаги футболчига айланиши мумкин. Аммо ҳеч кимни жамоада қолишга мажбурламоқчи эмасман», — деди Де Зерби.
Италиялик мутахассис Бергваллнинг кўпроқ ўйин амалиётини хоҳлашини тушунишини, бироқ ҳеч бир футболчига асосий таркибдан жойни олдиндан кафолатлай олмаслигини таъкидлади.
«Унинг истаги аниқ — мунтазам ўйнаш ва таянч яримҳимоячи сифатида ҳаракат қилиш. Аммо дунёдаги ҳеч бир футболчига асосий таркибдаги ўринни кафолатлай олмайман», — дея қўшимча қилди мураббий.
Маълумот учун, «Тоттенҳэм» ёзда Матеуш Фернандеш ва Сандро Тоналини трансфер қилиб, марказий чизиқдаги рақобатни янада кучайтирди. Бергваллнинг клуб билан амалдаги шартномаси 2031 йилнинг ёзига қадар мўлжалланган.
