Италия футбол федерацияси Клаудио Раниерининг миллий жамоа техник директори этиб тайинланганини расман эълон қилди.
Федерация матбуот хизмати хабарига кўра, 74 ёшли мутахассис ушбу лавозимда Паоло Малдинининг ўрнини эгаллади.
Қайд этилишича, Малдини бу вазифада атиги 16 кун ишлаган. У Италия миллий жамоасига янги бош мураббийни тайинлаш жараёнидаги муваффақиятсизлик ортидан юзага келган ички можаро сабаб лавозимини тарк этган.
Раниерининг сўнгги иш жойи «Рома» бўлиб, у 2025 йил июлидан 2026 йил апрелигача клуб бошқаруви маслаҳатчиси сифатида фаолият юритган. Бундан аввал эса, 2024 йил ноябридан 2025 йил июнигача Рим клубини бошқарган.
Эслатиб ўтамиз, аввалроқ Роберто Манчини Италия миллий жамоаси бош мураббийи этиб расман тайинланганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади