УEФА ФИФА президенти Жанни Инфантинонинг Жаҳон чемпионатининг тижорий ҳуқуқларидаги улушларни хусусий инвесторларга сотиш режасига муносабат билдирди.
Ташкилот баёнотида бу ташаббус футбол бошқаруви учун қабул қилиб бўлмайдиган чегарадан ўтиши таъкидланган.
«Бу футбол бошқарув органлари ҳеч қачон босиб ўтмаслиги керак бўлган чегарадир. УEФА бунга жуда жиддий қарамоқда. Миллий футбол ассоциациялари, лигалар, клублар, футболчилар, мухлислар, ҳукуматлар ва футбол келажагига бефарқ бўлмаган ҳар бир инсон ҳам бунга жиддий ёндашиши керак.
Футболнинг руҳи ва бошқарув тизими савдо қилинадиган актив эмас. Айниқса, бундан ким молиявий фойда олиши борасида шаффофлик бўлмаган бир пайтда. Ҳеч биримиз футболнинг эгаси эмасмиз. ФИФА эса уни сотишга ҳақли эмас», — дейилади УEФА баёнотида.
Эслатиб ўтамиз, аввалроқ Тhе Times нашри Жанни Инфантино Жаҳон чемпионатининг тижорий ҳуқуқларидаги улушларни хусусий инвесторларга сотиш имкониятини кўриб чиқаётгани ҳақида хабар берганди.
