Испания миллий жамоаси ҳимоячиси Марк Кукуреля Жаҳон чемпионати ғолиблигидан сўнг бош мураббий Луис де ла Фуентенинг сурати туширилган татуировка қилдирди.
Финал баҳси олдидан футболчи Испания чемпион бўлса, мураббийининг тасвирини танасига туширишга ваъда берганди. «Қизил фурия» финалда Аргентина миллий жамоасини 1:0 ҳисобида мағлуб этгач, Кукуреля орадан тўққиз кун ўтиб ушбу ваъдасини бажарди.
Эндиликда унинг чап қўлида Жаҳон кубогини ушлаб турган Луис де ла Фуентенинг тасвири акс этган.
«Ваъда бажарилди», — деб ёзди Кукуреля янги татуировкаси суратини ижтимоий тармоқларда улашар экан.
Маълумот учун, Марк Кукуреля июн ойида Мадриднинг «Реал» клубига кўчиб ўтган. Аввал у Лондоннинг «Челси» клуби сафида тўп тепган.
