Италия футбол федерацияси (FIGC) техник директори Паоло Малдини ва унинг маслаҳатчиси Леонардо тайинланганидан атиги 10 кун ўтиб, миллий жамоадаги фаолиятини якунлашга қарор қилди. Бу ҳақда инсайдер Фабрицио Романо хабар берди.
Манбага кўра, бундай қарорга Италия футбол федерацияси президенти Жованни Малагонинг Андреа Пирлони миллий жамоа бош мураббийи этиб тайинлашга қарши чиққанлиги сабаб бўлган.
Президент Пирлонинг Россия букмекерлик компаниялари билан алоқалари туфайли унинг номзодини маъқулламаган.
Маълум қилинишича, Малдини ва Леонардо миллий жамоа бош мураббийи сифатида фақат Пирлони кўришни истаган.
Аввалроқ Пирло Италия бош мураббийлиги учун асосий номзод экани ҳақида хабарлар тарқалган эди. Бироқ кейинчалик унинг номзоди рад этилди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади