«Ювентус»нинг собиқ бош мураббийи Тиаго Мотта Италия миллий жамоаси бош мураббийлиги таклифини қабул қилмади. Бу ҳақда Corriere dello Sport нашри хабар тарқатди.
Манба маълумотига кўра, 43 ёшли мутахассис Италия футбол федерацияси томонидан миллий жамоа бош мураббийлигига асосий номзодлардан бири сифатида кўриб чиқилган.
Федерация вакиллари Мотта билан боғланиб, унга расмий таклиф билдирган. Бироқ Мотта ушбу таклифни мулойимлик билан рад этган.
Шундан сўнг Италия футбол федерацияси эътиборини бошқа номзодга қаратган.
Аввалроқ федерация Карло Анчелотти ҳамда Пеп Гвардиолани ҳам миллий жамоа бошқарувига жалб қилишга уринган эди. Бироқ ҳар икки мутахассис ҳам бу таклифни қабул қилмаган.
