Belgiyalik hujumchi Lui Openda «Lion»da uzoq vaqt qolmasligi mumkin. Gazzetta dello Sport jurnalistlarining xabar berishicha, futbolchi Fransiya klubiga moslasha olmagan.
«Lion» Opendani Turinning «Yuventus» klubidan ijara asosida olgandi. Biroq hozirda hujumchi murabbiylar shtabi rejalariga kirmayapti. Shu sababli belgiyalik futbolchi qishki transfer oynasida Turinga qaytishi mumkin. «Yuventus» esa Openda uchun yangi jamoa izlashga kirishadi.
Openda Fransiya chempionatining ushbu mavsumida beshta bahsda maydonga tushdi. U bitta gol urib, bitta golli uzatmani amalga oshirdi.
Ma’lumot uchun, Transfermarkt portali belgiyalik hujumchining bozor qiymatini 25 million yevroga baholamoqda. Uning «Yuventus» bilan shartnomasi 2030 yilgacha mo‘ljallangan.