Antonio Konte Italiya milliy jamoasi bosh murabbiyiga aylanishi mumkinligi haqidagi mish-mishlarga munosabat bildirdi.
«Hozircha men bilan Italiya federatsiyasi o‘rtasida hech narsa yo‘q. Umuman hech narsa. Kelajakda nima bo‘lishini ko‘ramiz.
Hozir federatsiyaning prezidenti ham yo‘q. Ammo bir narsani aytaman: Italiya top darajadagi murabbiyni tayinlashga tayyormi?» — dedi Konte.
Shuningdek, italiyalik mutaxassis Pep Gvardiola nomi ham matbuotda tilga olinayotganiga e’tibor qaratdi.
«Pep Gvardiola haqida ham o‘qidim. Balki men ham shunday qilishim kerakdir», — dedi u hazil tariqasida.
Avvalroq Antonio Konte «Napoli» bosh murabbiyligidan ketgani rasman tasdiqlangandi.
