Angliyaning «Manchester Yunayted» klubi bosh murabbiyi Maykl Kerrik mavsum startidagi omadsizliklarga qaramay, hozircha o‘z lavozimini saqlab qolmoqda. Bu haqda jurnalist Lori Uitvell xabar bermoqda.
Mutaxassis bugun, 27-oktyabr kuni ertalab klub bazasiga yetib kelgan va jamoa mashg‘ulotlarini o‘tkazishga tayyorgarlik ko‘rayotgani ma’lum qilingan.
Manbaga ko‘ra, «Manchester Yunayted» rahbariyati Kerrikning kelajagini muhokama qilishda davom etmoqda va hozircha murabbiy bo‘yicha yakuniy qaror qabul qila olmayapti. Qayd etilishicha, aynan shu sabab tufayli murabbiy hali ham o‘z ishini davom ettirmoqda.
Eslatib o‘tamiz, 31-oktyabr, shanba kuni «Manchester Yunayted» safarda «Chelsi»ga qarshi o‘yin o‘tkazadi. APLning to‘qqizinchi tur bellashuvi Toshkent vaqti bilan soat 17:30da boshlanadi.
