Jahon chempionati yarimfinalidan o‘rin olgan Fransiya – Ispaniya bahsi boshlanishdan avval stadionda bir daqiqalik sukut saqlanadi.
Mazkur qaror 2016 yil 14 iyul kuni Fransiyaning Nitstsa shahrida sodir etilgan terrorchilik hujumining 10 yilligi munosabati bilan qabul qilindi. O‘sha fojia yuzasidan 86 kishi halok bo‘lgan, yuzlab insonlar turli darajada jarohat olgan edi.
Fransiya siyosatchilari va Nitstsa shahar rahbariyati FIFA’ga yarimfinal bahsi oldidan qurbonlar xotirasiga bir daqiqalik sukut e’lon qilishni so‘rab murojaat qilgan. FIFA ushbu tashabbusni ma’qullagan.
