«Inter» «Tottenhem» sardori Kristian Romeroni oʻz safiga qoʻshib olish boʻyicha taklif tayyorlamoqda. Bu haqda jurnalist Nikolo Skira xabar berdi.
28 yoshli himoyachi ushbu yozda London klubini tark etishi mumkin. «Neradzurri» rahbariyati Romeroni majburiy sotib olish sharti bilan ijaraga olishni rejalashtirmoqda. Italiya klubi futbolchiga 2031 yilgacha moʻljallangan shartnoma taklif qilishga tayyor.
Transfermarkt portali argentinalik himoyachining narxini 50 million yevro deb baholamoqda. Uning «Tottenhem» bilan amaldagi shartnomasi 2029 yil yozigacha amal qiladi.
Avvalroq Romero APLda chetlatilishlar boʻyicha antirekord oʻrnatgani ma'lum qilingan edi.
