«Manchester Siti» hujumchisi Erling Holand yangi mavsum oldidan tashqi ko‘rinishini o‘zgartirdi. Norvegiyalik futbolchi ijtimoiy tarmoqlarda kalta soch turmagidagi suratlarini e’lon qildi.
«Yangi mavsum — yangi soch turmagi», — deb yozdi Holand surat ostida.
Futbolchining yangi imiji muxlislar orasida katta qiziqish uyg‘otdi. Ko‘pchilik Holandning odatdagi uzun sochlaridan voz kechganiga hayron bo‘ldi.
Keyinroq hujumchi ingliz tilidagi qofiyali so‘z o‘yinidan foydalangan holda yana bir post qoldirdi: «Short hair, don’t care» — «Soch kalta, tashvish esa yo‘q».
Ma’lumot uchun, «Manchester Siti» APLning 1-turida bugun, 23 avgust kuni «Bornmut»ni qabul qiladi. Bahs Toshkent vaqti bilan 18:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi