«Roma» bosh murabbiyi Jan Pyero Gasperini Chempionlar ligasining 4-turidan o‘rin olgan «Manchester Yunayted»ga qarshi bahs oldidan fikrlarini bildirdi.
Eslatib o‘tamiz, bellashuv 3 noyabr kuni Toshkent vaqti bilan soat 01:00 da start oladi.
«Hozir ular chempionatda qiyin davrni boshdan kechirishmoqda, ammo bu bizning e’tiborimizni chalg‘itmasligi kerak. «Manchester Yunayted» hamon kuchli jamoa hisoblanadi va uning safida juda yuqori saviyali futbolchilar bor.
Bizni shiddatli muhitda o‘tadigan murakkab uchrashuv kutmoqda. Biz bu bahsga xuddi «Manchester Yunayted» o‘zining eng yaxshi holatida turgan paytdagidek tayyorgarlik ko‘ryapmiz», — deya Gasperinining so‘zlarini keltiradi Corriere dello Sport.
Ma’lumot uchun, «Roma» Chempionlar ligasida 4 ochko jamg‘argan holda turnir jadvalining 15-pog‘onasidan joy olgan. «Manchester Yunayted» esa 3 ochko bilan 20-o‘rinda bormoqda.
