«PSJ» yozgi transferlar oynasida hujum chizig‘ini kuchaytirish ustida ishlamoqda va asosiy e’tiborini «Barselona» hujumchisi Ferran Torresga qaratgan.
RMC Sport xabariga ko‘ra, parijliklar ispaniyalik futbolchi bo‘yicha hali rasmiy muzokaralarni boshlamagan. Bunga uning 2026 yilgi Jahon chempionatidagi muvaffaqiyatli ishtirokidan keyin narxi oshib ketishi mumkinligi sabab bo‘lgan. Fransiya chempionlari futbolchi uchun ortiqcha mablag‘ to‘lashni istamayapti.
Agar Ferran Torres transferi amalga oshmasa, «PSJ» muqobil variantlarga murojaat qiladi. Klub ro‘yxatidan «Atalanta» futbolchisi Sharl De Ketelare ham o‘rin olgan.
Shuningdek, parijliklar «Bornmut» hujumchisi Eli Junior Krupining o‘yinlarini ham kuzatmoqda. Hozircha futbolchi bo‘yicha rasmiy qiziqish bildirilmagan, biroq manbaga ko‘ra, fransiyalik hujumchi «PSJ»ga o‘tishga tayyor.
Eslatib o‘tamiz, avvalroq «Arsenal» ham Ferran Torresni Xulian Alvares transferiga muqobil variant sifatida ko‘rayotgani haqida xabarlar tarqalgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi