Ernandes Ernandes 7-bor «El Klasiko»ni boshqaradi

Futbol

8 oktabr, 11:18

U ishlagan klasikolarda «Real» faqat bir bor g‘alaba qozongan.

Editor Aʼzamjon Izzatillayev

Tribuna.uz’ni Google’ga qo‘shish

Ernandes Ernandes 7-bor «El Klasiko»ni boshqaradi

Foto: Getty Images

25.10.2026, 16:00 Ispaniya La Ligasi

Barselona - : -

Real Madrid

«Barselona» va «Real» o‘rtasidagi bahsning bosh hakami etib Alejandro Ernandes Ernandes tayinlandi. Bu haqda Marca nashri xabar berdi.

La Liganing 10-turidan o‘rin olgan o‘yin 25 oktabr kuni Barselonadagi «Kamp Nou» stadionida bo‘lib o‘tadi.

43 yoshli hakam uchun bu faoliyatidagi yettinchi «El Klasiko» bo‘ladi. U boshqargan avvalgi oltita klassikoning uchtasida kataloniyaliklar g‘alaba qozongan, ikkitasida durang qayd etilgan, yana bir bellashuvda esa madridliklar ustun kelgan.

Bu mavsumda «Real» klubi Ernandes Ernandesning «Betis»ga qarshi o‘yindagi hakamligidan norozilik bildirgandi. O‘shanda hakam hujum rivojlanishi davomida ofsayd qayd etilgani sababli hujumchi Karlos Espinining golini bekor qilgan va, shuningdek, madridliklarga penaltini qayta tepishga ruxsat bermagan.