«PSJ» bosh murabbiyi Luis Enrike Fransiya chempionatining 9-turidan o‘rin olgan «Gavr»ga qarshi uchrashuvda (5:1) himoyachi Ashraf Hakimi 3 ta gol urib, 2 ta assist amalga oshirganiga munosabat bildirdi.
«Ashraf Hakimi uchun bu unutilmas oqshom bo‘ldi. Himoyachining 3 ta gol urib, 2 ta assist berganini avval ko‘rganmisiz?
Ha, Xakimi — jamoa sardori. Biz uning kuchli jihatlarini yaxshi bilamiz. Aslida, u ko‘proq hujumchiga o‘xshaydi: yuqorida harakat qiladi, ochilishni va assistlar berishni biladi.
To‘p bizda bo‘lganida, u sof hujumchiga aylanadi. To‘p raqibda bo‘lsa, hamma himoyachiga aylanadi.
U dunyoning eng yaxshi o‘ng qanot himoyachisi. Lekin meni uning 3 ta gol urganidan ko‘ra, doim eng yuqori saviyada o‘ynashi va har doim maydonga tushishga tayyorligi ko‘proq hayratga soladi. Bu jamoamiz uchun juda muhim», — deya Enrikening so‘zlarini keltiradi L’Équipe nashri.
Ma’lumot o‘rnida, parijliklar Liga 1 turnir jadvalida 20 ochko bilan peshqadamlik qilmoqda. Jamoa navbatdagi uchrashuvini Chempionlar Ligasi doirasida «Vilyarreal»ga qarshi o‘tkazadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi