«Barselona» moliyaviy qiyinchiliklar sabab Ferminni sotib yuborishi mumkin

Ispaniyaning «Barselona» klubi yarimhimoyachisi Fermin Lopes faoliyatini boshqa jamoada davom ettirishi mumkin. Bu haqda Daily Briefing xabar berdi.

Manba ma’lumotlariga ko‘ra, «Barselona» Lopes bilan xayrlashishni istamayapti, ammo moliyaviy muammolar tufayli futbolchisi bo‘yicha yirik takliflarni ko‘rib chiqishi mumkin. Ta’kidlanishicha, «Barselona» futbolchisi xizmatlariga «Chelsi» va «PSJ» jiddiy ravishda qiziqish bildirmoqda. Parijliklar taxminan 80 million yevrolik taklif tayyorlamoqda, «aristokratlar» ham «ko‘k-anorranglilar»ga jiddiy taklif bilan chiqmoqchiligi aytilmoqda.

Yangi mavsumda 23 yoshli Fermin Lopes barcha musobaqalarni inobatga olganda 12 ta o‘yinda maydonga tushib, 5 ta gol urdi va 4 ta golli uzatma yetkazib berdi.