UFC yarim o‘rta vazn toifasidagi amaldagi chempioni Islom Maxachev (29–1) navbatdagi jangi faoliyatidagi so‘nggi bellashuvlardan biri bo‘lishini ma’lum qildi. Bu haqda u ijtimoiy tarmoqdagi X sahifasida yozdi.
«Keyingi jangim faoliyatimdagi so‘nggi bellashuvlardan biri bo‘ladi. Aytishlaricha, Prates men uchun juda xavfli, Morales esa juda kuchli.
Shuning uchun men ulardan qaysi biri kuchli bo‘lsa, o‘sha bilan jang qilishni va yana bir bor dunyoda kim eng zo‘r ekanini isbotlashni istayman», — deb yozdi Maxachev.
Qayd etish lozim, braziliyalik Karlos Prates va ekvadorlik Maykl Morales UFC yarim o‘rta vazn toifasidagi vaqtinchalik chempionlik kamari uchun oktagonga chiqadi. Jang 2027-yil 30-yanvar kuni Kanadaning Toronto shahrida UFC 336 turniri doirasida o‘tkaziladi.
Ma’lumot o‘rnida, Maxachev so‘nggi jangini 2026-yil 15-avgust kuni UFC 330 turnirida o‘tkazgan. Unda rossiyalik jangchi irlandiyalik Yan Machado Gerrini hakamlarning yakdil qarori bilan mag‘lub etib, chempionlik kamarini himoya qilgan.
