Fransiya chempionatining 9-turidan o‘rin olgan uchrashuvda «Nitsa» o‘z maydonida «Renn»ni 5:2 hisobida mag‘lub etdi.
Uchrashuvning 12-daqiqasida Ele Vai penaltini aniq amalga oshirib, hisobni ochdi. 15-daqiqada esa Sebastyan Shimanskiyning goli evaziga muvozanatni tiklashdi. 34-daqiqada Vai yana penaltidan «Nitsa»ni oldinga olib chiqdi. Birinchi bo‘limga qo‘shib berilgan ikkinchi daqiqada Jonatan Klos mezbonlarning ustunligini yanada oshirdi. 52-daqiqada Muhammad Amura jamoasining to‘rtinchi golini kiritdi.
Oradan olti daqiqa o‘tib, Bulaye Dia penaltini aniq amalga oshirib, «Renn»ning farqni qisqartirishga erishdi. 73-daqiqada Vai yana bir bor raqib darvozasini ishg‘ol qilib, het-trik qayd etdi.
Bu g‘alabadan so‘ng «Nitsa» ochkolari sonini 14 taga yetkazib, 7-o‘ringa ko‘tarildi. «Renn» esa 16 ochko bilan 2-pog‘onada.
Fransiya chempionati. 9-tur
Nitsa — Renn 5:2
Gollar: Vai 12 penaltidan, 34 penaltidan, 73, Klos 45, Amura 52 – Shimanskiy 15, Dia 58 penaltidan.
