Angliya yarimhimoyachisi Jud Bellingham 2026-yilgi Jahon chempionati 1/4 finalida Norvegiyaga qarshi (2:1) o‘yinda chap yelkasi bilan bog‘liq muammolarga duch keldi. Futbolchi OAV vakillari oldiga chiqishdan avval ham ilgari operatsiya qilingan yelkasini ushlab turganini ko‘rish mumkin edi.
Bu haqda AS xabar berdi.
Oldinroq Bellingham 2022-yildan beri, «Borussia Dortmund» safida o‘ynayotgan paytdan beri yelkasidagi og‘riqdan aziyat chekayotgani xabar qilingan edi. 2023-yilda «Real Madrid» safida «Rayo Valyekano» jamoasiga qarshi o‘yinda Bellingem yomon yiqilib, yelkasi joyidan chiqib ketgandi. Yarim himoyachi zarur jarrohlik amaliyotini 2025 yil yozigacha kechiktirgan edi. Amaliyotdan so‘ng, Bellingham 2025/2026-yilgi mavsum boshini o‘tkazib yubordi.
Eslatib o‘tamiz, Angliya milliy jamoasi Jahon chempionati yarimfinalida (15 iyul) Argentina bilan to‘qnashadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi