«Bavariya» yarimhimoyachisi Ismoil Saybari va hujumchi Serj Gnabri jarohat sabab bir muddat maydonga tusha olmaydi. Bu haqda klub rasmiy sayti xabar berdi. Biroq futbolchilarning safga qaytish muddatlari hozircha ma’lum qilinmagan.
Har ikki futbolchi shanba kuni Dortmundning «Borussiya» klubiga qarshi o‘tkazilgan Bundesliga bahsida jarohat olgan.
Saybarida o‘ng to‘piq bog‘lamining uzilishi aniqlangan. Marokashlik futbolchi allaqachon muvaffaqiyatli operatsiya qilindi. Gnabrida esa chap sonining orqa qismidagi mushak jarohati qayd etilgan.
Ma’lumot uchun, «Bavariya» va «Borussiya» Dortmund o‘rtasidagi durangdan keyin Bundesligada mos ravishda birinchi va ikkinchi o‘rinlarni egallab turibdi. Har ikki jamoa hisobida 18 ochkodan mavjud. «Frayburg» 16 ochko bilan uchinchi pog‘onada.
Eslatib o‘tamiz, «Bavariya» va «Borussiya» Dortmund o‘rtasidagi bahs 2:2 hisobida yakunlangan.
