France Football bosh muharriri Vensan Garsiya Garri Keynni ovoz berishdagi kuchli beshlikka kiritmagan. Fransiya vakili birinchi o‘ringa Kilian Mbappeni qo‘ygan bo‘lsa, ikkinchi o‘rinni Usmon Dembelега bergan.
Garsiya tuzgan ro‘yxatda Lamin Yamal uchinchi, Xvicha Kvaratsxeliya to‘rtinchi, Lionel Messi esa beshinchi bo‘lgan. «Oltin to‘p»-2026 sohibi Keyn fransiyalik jurnalistning ovoz berishida oltinchi o‘rinni egallagan.
Taqdirlash marosimi 26 oktabr kuni bo‘lib o‘tdi, ammo ovoz berish ancha avval yakunlangan edi. Yakuniy hisobda Keyn g‘oliblikni qo‘lga kiritdi. Mbappe ikkinchi bo‘lib, angliyalik hujumchidan atigi 28 ovoz kam to‘pladi. Yamal esa uchinchi o‘rinni egalladi.
Shu tariqa, Garsiyaning shaxsiy reytingi yakuniy natijalardan farq qildi. U g‘olib bo‘lgan Keynni oltinchi o‘ringa joylashtirgan, Mbappe va Dembeleni esa dastlabki ikki pog‘onaga qo‘ygan.
Muxlislar bu yangilikni Telegram’da muhokama qilmoqda
Izohlar Telegram’da ochiladi