«Bavariya» Germaniya Bundesligasining 5-turi doirasida «Augsburg»ga qarshi kechayotgan bahsning dastlabki soniyalaridayoq gol o‘tkazib yubordi. Myunxenliklar darvozaboni Manuel Noyerning xatosi raqibga hisobni ochish imkonini berdi. Ushbu gol Bundesliga tarixidagi eng tezkor gol sifatida qayd etildi.
Voqea bahs boshlanganidan olti soniya o‘tib sodir bo‘ldi. Noyer jamoadoshining uzatmasini qabul qilganidan so‘ng to‘pni nazorat qilishda xatoga yo‘l qo‘ydi va uni o‘zidan uzoqlashtirib yubordi. Darvozabon to‘pni tepib yuborishga uringanida raqib futbolchisiga zarba berdi. Vaziyatdan foydalangan yarimhimoyachi Robin Fellxauer bo‘sh qolgan darvozani ishg‘ol qildi.
«Augsburg» va «Bavariya» o‘rtasidagi bahs Augsburgdagi «VVK Arena» stadionida bo‘lib o‘tmoqda. Uchrashuvning bosh hakami — Sven Yablonski. Xabar e’lon qilingan vaqtda mezbonlar 1:0 hisobida oldinda edi.
Eslatib o‘tamiz, o‘tgan turda «Augsburg» «Verder»ga 2:3 hisobida imkoniyatni boy bergan, «Bavariya» esa «Union»ni 7:0 hisobida mag‘lub etgandi.
Ma’lumot uchun, navbatdagi turda «Augsburg» 17-oktyabr kuni «Elfersberg» bilan, Vensan Kompani boshqaruvidagi «Bavariya» esa shu kuni «RB Leypsig» bilan bahs olib boradi.
Muxlislar bu yangilikni Telegram’da muhokama qilmoqda
Izohlar Telegram’da ochiladi