“Barselona”ning La Ligadagi golli seriyasi 55 oʻyindan soʻng nihoyasiga yetdi. Kataloniyaliklar bir yarim yildan soʻng ilk bor chempionat bahsida gol ura olmadi.
Hans-Diter Flik shogirdlari 36-turda “Alaves”ga 0:1 hisobida magʻlub boʻldi va oʻyin davomida birorta ham darvoza tomon aniq zarba yoʻllay olmadi. Oxirgi bor “Barselona” 2024-yil 15-dekabrda “Leganes”ga qarshi bahsda gol ura olmagandi.
Shundan beri jamoa 55 oʻyinlik golli seriya qayd etgan, bu La Liga tarixidagi ikkinchi eng yaxshi natija hisoblanadi. Rekord esa 64 oʻyin boʻlib, u ham “Barselona”ga tegishli hisoblanadi.
