"Atletiko" g'alabasiz seriyasiga barham berdi.
Diego Simeone shogirdlari La Liganing 32-turida "Atletik"ni 3:2 hisobida mag'lub etdi. Shu orqali madridliklar so'nggi 5 ta o'yinda ilk g'alabasini qo'lga kiritdi. Oxirgi 4 ta bahsda jamoa 3 mag'lubiyat va 1 durang natija qayd etgandi.
Ayni vaqtda "matraschilar" ochkolari sonini 60 taga yetkazib, Ispaniya chempionati turnir jadvalida 4-o'rinda bormoqda. 29 aprel kuni "Atletiko" o'z maydonida Chempionlar Ligasi yarimfinal bosqichi doirasidagi ilk bellashuvda "Arsenal"ni qabul qiladi.
