«Aston Villa» «Vest Hem» markaziy himoyachisi Jan-Kler Todibo transferini amalga oshirish imkoniyatini o‘rganmoqda. Bu haqda The Athletic xabar berdi.
Birminghemliklar Ezri Konsaning «Arsenal»ga o‘tganidan so‘ng markaziy himoyani kuchaytirishni maqsad qilgan. Avvalroq klub «Bryugge» himoyachisi Joel Ordonesni transfer qilishni rejalashtirgandi, biroq ekvadorlik futbolchining jarohati va «Kristal Pelas» qiziqishi sabab muzokaralar to‘xtab qolgan.
26 yoshli fransiyalik futbolchi 2025 yilda «Nissa»dan «Vest Hem»ga o‘tgan. U London klubi safida 54 ta uchrashuvda maydonga tushgan.
Ma’lumot uchun, «Vest Hem» o‘tgan mavsum yakunida Chempionshipga tushib ketgan. Transfermarkt Todiboning bozor qiymatini 22 million yevroga baholamoqda.
