«Arsenal» 2026/27 yilgi mavsum boshidan beri barcha turnirlarda ketma-ket yettinchi g‘alabasini qo‘lga kiritdi. «To'pchilar» Angliya Liga kubogi 1/16 finalida «Ipsvich Taun»ni 4:2 hisobida taslim etdi.
Mikel Arteta shogirdlari mavsumni Angliya Superkubogida «Manchester Siti» ustidan 3:0 hisobidagi g‘alaba bilan boshlagan. Shundan so‘ng jamoa APLning dastlabki to‘rtta turida ham g‘alaba qozondi.
Bundan tashqari, «Arsenal» Chempionlar ligasi umumiy bosqichi 1-turida Italiyaning «Napoli» klubini 1:0 hisobida mag‘lub etdi.
«Arsenal» ayni paytda APL turnir jadvalida 12 ochko bilan birinchi o‘rinda bormoqda. «To'pchilar» 5-turda 19 sentyabr kuni «Brayton»ga qarshi bahs olib boradi.
