Angliya Liga kubogining chorak final bosqichiga yo‘l olgan barcha jamoalar va ularning raqiblari ma’lum bo‘ldi.
Musobaqaning ushbu bosqichida Angliya Premer-ligasi grandlaridan «Liverpul» va «Manchester Siti» ham ishtirokini davom ettiradi. «Everton» quyi liga jamoasi bilan bellashadi. «Kristal Pelas» va «Sanderlend» juftligi ham yarim final uchun kurashadi.
Angliya Liga kubogi 1/4 final juftliklari:
«Liverpul» — «Bornmut»
«Manchester Siti» — «Bredford Siti»
«Kristal Pelas» — «Sanderlend»
«Flitvud» — «Everton»
Ma’lumot uchun, chorak final uchrashuvlari dekabr oyining o‘rtalarida o‘tkazilishi rejalashtirilgan.
Eslatib o‘tamiz, Angliya Liga kubogining amaldagi sohibi «Manchester Siti» hisoblanadi.
