«Atletiko» hujumchisi Xulian Alvares La Liganing 7-turida «Real»ga qarshi bo‘lib o‘tadigan bahsda maydonga tushishni istamoqda. Bu haqda Marca xabar berdi.
Manbaga ko‘ra, argentinalik futbolchi shanba kungi mashg‘ulotni noqulaylik sabab muddatidan oldin tark etgan. O‘tkazilgan tibbiy ko‘rik jiddiy jarohatni aniqlamagan.
Alvares 16 sentyabr kuni La Liganing 6-turida «Osasuna»ga qarshi bahsni o‘tkazib yuboradi. Hujumchi ushbu bahsga qadar umumiy guruhda mashg‘ulot o‘tkazmaydi.
Eslatib o‘tamiz, «Atletiko»ning yana bir hujumchisi Aleksander Syorlot ham «Osasuna»ga qarshi bahsda ishtirok eta olmaydi. Shu sababli jamoa ixtiyorida hujum chizig‘ida faqat Jonatan Devid qolgan.
Ma’lumot uchun, Devid yozgi transfer oynasida «Yuventus»dan «Atletiko»ga o‘tgandi. Kanadalik futbolchi «Real Sosiyedad»ga qarshi bahsda jamoasi safidagi ilk golini urdi.
