«Inter» himoyachisi Federiko Dimarko Chempionlar ligasida g‘alaba qozonish istagi haqida gapirdi.
«Chempionlar ligasi — ko‘plab kuchli jamoalar ishtirok etadigan juda qiyin turnir. Men ushbu katta musobaqaning finalida ikki bor o‘ynash baxtiga muyassar bo‘ldim. Ammo yana bir bor urinib, natijani o‘zgartirmoqchiman», — dedi Dimarko Il Calciatore nashriga bergan intervyusida.
Eslatib o‘tamiz, Dimarko «Inter» safida 2023 va 2025 yillarda Chempionlar ligasi finalida maydonga tushgan.
Ma’lumot uchun, 2023 yilgi finalda «Inter» «Manchester Siti»ga 0:1 hisobida imkoniyatni boy bergan bo‘lsa, 2025 yilda «PSJ»ga 0:5 hisobida yutqazgan.
