Italiya chempionatining 18-turini Sardiniyadagi o‘yin ochib berdi va unda «Milan» «Kalyari»dan Leauning yagona goli evaziga ustun keldi.
«Rossoneri»ning yangi transferi Niklas Fullkrug zaxiradan tushib, debyut qildi.
Allegri jamoasi ochkolarini 38 taga yetkazib, «Inter»ni (36) ortda qoldirgan holda peshqadamga aylandi. «Kalyari» 18 ochko bilan 14-pog'onada qoldi.
A Seriya. 18-tur
Kalyari — Milan 0:1
2 yanvar, «Unipol Domus»
Gol: Leau (50).
Kalyari — Kaprile, Zappa, Rodriges, Luperto, Palestra, Adopo, Prati (Borrelli, 61), Mazzitelli (Kavuoti, 83), Obert (Idrissi, 61), Esposito (Gaetano, 66), Kilichsoy (Pavoletti, 83).
Milan — Menyan, Tomori, de Vinter, Bartesagi, Salemakers, Fofana (Ritchi, 69), Modrich, Rabio, Estupinan (Gabbia, 79), Loftus-Chik (Pulishich, 79), Leau (Fullkrug, 69).
Ogohlantirishlar: Idrissi (83), Salemakers (90+1), Palestra (90+1).
