«Milan» bosh murabbiyi Ruben Amorim JCH-2026dan so‘ng jamoaning mavsumoldi tayyorgarligini to‘liq o‘tkazib yuborgan darvozabon Mayk Menyan va yarimhimoyachi Adrien Rabyoning qarorini himoya qildi.
«Rabyo, Modrich va Mik Menyan ko‘proq o‘ynagani uchun ularga ko‘proq dam berdim. Bu men uchun muhim. Hamma o‘yinlar soni ko‘pligidan va futbolchilar bunday yuklamaga bardosh bera olmasligidan shikoyat qilmoqda. Men ularga qo‘shimcha dam kunlarini berdim, chunki ular o‘ynay olmasligini bilardim.
Shuni alohida ta’kidlamoqchiman: bu futbolchilarning emas, mening qarorim edi. Ular mashg‘ulot o‘tkazishni xohlashmoqda. Ertaga ular «Milanello»da bo‘lib, ilk rasmiy bahsga tayyorgarlik ko‘rishadi. Ularning jadvali juda tig‘iz bo‘ldi va ular belgilangan rejaga amal qilishdi», — dedi Amorim La Gazzetta dello Sport nashriga.
Murabbiy Menyanning mavsumdagi ilk bahsga tayyor bo‘lishini ham tasdiqladi:
«Mikning pozitsiyasi boshqalarnikidan farq qiladi. So‘nggi mavsumlarda «Milan» safida nechta bahs o‘tkazganiga qarasangiz, u deyarli doim maydonda bo‘lgan. Mik birinchi o‘yinga tayyor bo‘ladi. Rabyo holatini ham baholaymiz — Adrien biz uchun juda muhim futbolchi.
Biz hammaga ishonishimiz kerak, biroq dam olishi kerak bo‘lgan futbolchilarga dam berishimiz shart. Chunki oldinda juda og‘ir mavsum turibdi», — deya qo‘shimcha qildi Amorim.
«Milan» yangi mavsumdagi ilk rasmiy bahsini «Torino»ga qarshi o‘tkazadi.
