«Chelsi» hujumchisi Liam Delap faoliyatini «Everton»da davom ettirishi mumkin. TEAMtalk xabariga ko‘ra, Liverpul klubi 23 yoshli futbolchi transferi bo‘yicha London jamoasi bilan muzokaralar o‘tkazgan.
«Chelsi» Delapni atigi bir yil avval xarid qilgan bo‘lsa-da, futbolchini sotishga tayyor. «Ko‘klar» forvard uchun 46,8 million yevro talab qilmoqda.
Manbaga ko‘ra, ayni paytda Delap transferi uchun kurashda «Everton» peshqadam. Biroq «Manchester Yunayted», «Nottingem Forest» va «Nyukasl» ham futbolchiga qiziqish bildirmoqda.
Delap o‘tgan mavsum barcha turnirlarda 41 ta bahsda maydonga tushib, 2 ta gol urdi va 4 ta golli uzatmani amalga oshirdi.
