"Manchester Siti" klubi "Chelsi" yarimhimoyachisi Enzo Fernandesni tarkibga qo'shib olishga bo'lgan qiziqishini saqlab qolmoqda. Bu haqda insayder Ben Jeykobs xabar berdi.
London klubi argentinalik futbolchi uchun 120 million funtlik taklif berish bo'yicha belgilangan muddat o'tib ketgan bo'lsa-da, "Siti" uni transfer bozoridagi asosiy variantlaridan biri sifatida ko'rmoqda.
Ma'lum bo'lishicha, "Chelsi" Fernandesning vakillariga uning ehtimoliy transferi bo'yicha shartlarni hali may oyidaoq bildirgan. Biroq "Manchester Siti" belgilangan muddat ichida rasmiy taklif bilan chiqmagan.
Ayni vaqtda "Manchester Siti" Enzo Fernandes va Ayub Buaddi transferlarini amalga oshirish variantlarini ham ko'rib chiqmoqda. "Siti" Buaddi bo'yicha muzokaralarni ancha ilgarilatgan va futbolchi uchun taxminan 85 million funtgacha bo'lgan bitim ustida ishlamoqda.
Ma'lumot uchun, Fernandes 2023 yil yanvar oyida "Benfika"dan "Chelsi"ga o'tgan.
Telegram’da birinchi bo‘lib fikr bildiring
Muhokamaga o‘tishIzohlar Telegram’da ochiladi