«Манчестер Сити» клуби «Челси» яримҳимоячиси Энцо Фернандесни таркибга қўшиб олишга бўлган қизиқишини сақлаб қолмоқда. Бу ҳақда инсайдер Бен Жейкобс хабар берди.
Лондон клуби аргентиналик футболчи учун 120 миллион фунтлик таклиф бериш бўйича белгилаган муддат ўтиб кетган бўлса-да, «Сити» уни трансфер бозоридаги асосий вариантларидан бири сифатида кўрмоқда.
Маълум бўлишича, «Челси» Фернандеснинг вакилларига унинг эҳтимолий трансфери бўйича шартларни ҳали май ойидаёқ билдирган. Бироқ «Манчестер Сити» белгиланган муддат ичида расмий таклиф билан чиқмади.
Айни вақтда «Манчестер Сити» Энцо Фернандес ва Айюб Буадди трансферларини амалга ошириш вариантларини ҳам кўриб чиқмоқда. «Сити» Буадди бўйича музокараларни анча илгарилатган ва футболчи учун тахминан 85 миллион фунтгача бўлган битим устида ишламоқда.
Маълумот учун, Фернандес 2023 йил январ ойида «Бенфика»дан «Челси»га ўтган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади