«Наполи» Мартинелли трансфери борасида «Арсенал» билан музокараларни бошлади

«Наполи» «Арсенал» билан бразилиялик вингер Габриэл Мартинеллини трансфер қилиш эҳтимоли бўйича музокараларни бошлади. Томонлар ўртасида алоқалар аллақачон ўрнатилган, деб хабар бермоқда CaughtOffside.

25 ёшли футболчи аввалроқ «Галатасарой» клубига ўтиш таклифини рад этганди. Туркия клуби Габи учун тахминан 45 миллион евро таклиф қилган, аммо вингер фаолиятини Туркияда давом эттиришга қизиқиш билдирмаган.

Шунга қарамай, «Арсенал» Мартинеллини сотиш вариантини кўриб чиқишга тайёр. Бироқ бунинг учун клуб ҳужумнинг чап қанотига янги футболчи топиши керак. «Тшпчилар» бош мураббийи Микел Артета катта таркибни йўқотишни истамаяпти. Шу сабабли бразилияликнинг жамоадан кетиши янги футболчи сотиб олинишига бевосита боғлиқ.

«Наполи» Мартинеллига қизиқиш билдираётган ягона клуб эмас. Италия ОАВ маълумотларига кўра, «Рома» ҳам уни эҳтимолий трансфер мақсади сифатида кўриб чиқмоқда. Аввалроқ футболчининг «Ювентус»га ўтиши мумкинлиги ҳақида ҳам хабарлар тарқалганди.

Мартинеллининг «Арсенал» билан шартномаси 2027 йил ёзига қадар амал қилади ва унда келишувни яна бир мавсумга узайтириш имконияти мавжуд. Вингер 2019 йилдан буён «тўпчилар» сафида ўйнаб келмоқда. Шу вақт давомида у барча мусобақаларда 278 та ўйинда иштирок этиб, 62 та гол урган ва 36 та голли узатмани амалга оширган. Transfermarkt портали маълумотларига кўра, футболчининг ҳозирги қиймати 45 миллион еврони ташкил қилади.