«Ювентус» Колумбия миллий жамоаси ҳимоячисини сотиб олди

Жон Лукуми расман «Ювентус»нинг янги футболчисига айланди.

28 ёшли ҳимоячи 2030 йил 30 июнга қадар амал қиладиган шартномани имзолади.

Аввалроқ Турин клуби «Болоня» билан бонусларни ҳисобга олганда тахминан 20 миллион евро миқдоридаги трансфер бўйича музокара олиб бораётгани хабар қилинганди.

Колумбиялик футболчи сўнгги тўрт мавсумни «Болоня»да ўтказди. У жамоа сафида 152 та баҳсда майдонга тушди ва Чемпионлар лигасида дебют қилди. Лукумининг собиқ клуби сафида урган икки голидан бирини айнан Чемпионлар лигасига тўғри келади.

Лукуми ўтган мавсумда А Серияда 29 та ўйинда иштирок этиб, 1 та гол урган.